Bhondu

Hello world 🤘🏻

Meet me – main hun Bhondu ….. main “bhondu” wala bhondu nahi hun bus mera naam bhondu hai.

Meri Umar lagbhag 18 saal hai ….. (quite old considering soft toys world). 18 saal pehle mujhe ek bahot hi romantic ladke 🙋🏻 ne ek bahot hi unromantic ladki🙋🏻‍♀️ ke liye Archies gallery se kharida tha. Uss time pe Archies gallery most loved gift shop hua karti thi 🫰🏻.

Wo ladka kuch gift lena aaya tha jo uss ladki ko pasand aaye.Kuch special aur kuch alag!!! ….White and pink teddies ko utha kar phir wapas rakh rha tha ….Ladki kuch alag thi so usko Laal gulabi heart wale white-pink teddies bikul pasand nahi aayenge ye uss ladke ko pata tha isilye wo ladka kuch alag sa gift dhoondh raha tha…. Bahot kuch dekha … sabme wo red hearts ya kuch Cheeky messages the …. Wo ladka waisa kuch lene ki himmat nahi kar pa rha tha kyuki usse maaloom tha ki ladki aisa kuch dekh ke uska bahot mazak udayegi😂 …. Bahot hansengi🤣🤣 ki ye kya leke aaye ho…. Romantic gift ko funny bana degi 🤷‍♀️🤷

Tabhi uski nazar mujh pe padi… main khush ho gaya ki aaj main Archies ke bahar aa jaunga shayad ….Wo thodi der mere samne ruka … mujhe dekha … aur bola nahhhhhh …. Ye nahi…..Mujhe bahot bura laga ki phir mujhe kisi ne reject kar diya …. Maine mann hi mann ladke ko do-char gaaliyaan de di 😏😏 bada aaya …. Hmmmm!!!

Kaafi der khoj talash ke baad jab uss ladke ko kuch na samjh aaya to wo phir mere pass aaya ….mujhe hathon me liya ….. aur muskuraya … sochne laga ki ye hai kya … na teddy hai … na doggy … na bunny na turtle hai …. Agar ise le bhi lu to iska naam kya batunga … ye kya prani hai? (Waise mujhe b nahi maloom ki main hu kya 😜🤪)

Lekin phir pata nahi kyu main usse accha lagne laga …aur usne mujhe khareed liya

Khareed to liya but wo still not sure tha ki main uss ladki ko pasand aaoonga ya nahi ….. nahi pasand aaya to exchange kar dunga aisa usne mann banaya aur bill pay kar diya.

Jab uss ladke ne mujhe uss ladki ko diya ………OoooMmmmGggggg!!!!

ladki ne khushi se mujhe gale lagaya aur hans ke boli ….. ye kya hai ye …aalsi sa …. bhonduuuu 😘😘🥰

Ladka bhi hairan … aur bahot khush …ye teda meda … sust sa … Bhonduuu kamal kar gaya aur kuch to baat hai iss ke jo miss khadoos ko pasand aa gaya 🤫🤫🤫

Ladka sahi keh raha tha ki ladki ekdum unromantic thi 🙆🏻‍♀️…. Babu Sona Mona puchuu aise koi naam nahi diya aur bana diya mujhe bhondu …. 🤣🤣🤣

And the story began …tab se main uss ladki ke sath hun …. Wo mujhe hamesha leke nahi baithti but aapne aas pass hi rakhti hai …. Hamesha mujhe saaf suthra rakhti hai … badmash bacchon se chhupa ke rakhti hai …. Aur samay ke sath jo mere silayi khul jati hai usko sil bhi deti hai ….Aur jab mujhe dekhti hai ek smile jarur aati hai uske face pe 🤩🤩 I know she loves me 😍

Aur wo ladka aaj b mujhe dekh ke sochta hai accha hua maine tujhe le liya tha 😜😜😜😍